Lyrics - Ran Se Wapis Mere Baba - Mukhtar Hussain Fatehpuri

Lyrics - Ran Se Wapis Mere Baba - Mukhtar Hussain Fatehpuri

★ Noha Lyrics Roman / Urdu:

★ Ran Se Waapas Mere Baba Nahi Aanay Waalay
Mujh Pe Ab Saya-e-Yateemi Ke Hain Chaanay Waalay

★ Subh Se Dekh Rahi Hai Yeh Sakina Baba
Ran Mein Hai Chaaron Taraf Phela Qaza Ka Saya
Laut Kar Zinda Nahi Aaey Hain Jaanay Waalay

★ Ap Jis Tarha Mujhe Seenay Laga Kar Roey
Khaak Pe Jaisay Sakina Ko Sula Kar Roey
Hain Yeh Andaaz Yateemon Ko Sulaanay Waalay

★ Aap Ne Jab Se Hai Rukhsat Ka Irada Baandha
Jaanay Kyun Dukhnay Laga Hai Mera Chehra Baba
Neel Jaisay Mere Chehray Pe Hon Aanay Waalay

★ Jaisay Khat Aik Chacha Ibne Mazahir Ko Likha
Bhej Kar Khat Mere Khaatir Hee Bula Lain Baba
Reh Gaey Hon Jo Koi Dost Bulanay Waalay

★ Aap Ke Seenay Se Lagti Hoon To Yoon Lagta Hai
Zakhm Hee Zakhm Hain Zakhmon Se Lahoo Behta Hai
Jaisay Is Seenay Mein Hain Teer Samaanay Waalay

★ Meri Chadar Mere Baalon Se Hataatay Kyun Hain
Rait Ka Parda Mere Sar Pe Banatay Kyun Hain
Kab Rida Kartay Hain Yoon Sheh Ke Gharanay Waalay

★ Sheh Se Lipti Hoowi Kehti Thi Sakina Akbar
Ho Na Ho Aap Pe Barsaaein Gay Aada Mil Kar
Jitnay Patthar Hain Yeh Maqtal Se Uthaanay Waalay