Lyrics - Meri Sakina Ko Neend Arahe Hai - Syed Raza Abbas Zaidi

Lyrics - Meri Sakina Ko Neend Arahe Hai - Syed Raza Abbas Zaidi 



* NOHA LYRICS *
Bano a.s Yay Abid a.s Ko Batla Rahe Hai
Meri Sakina a.s ko neend aa rahi hai

1) Kehdo hawaaon se aahista aayein
Kehdo parindon se ghul na machaayein
kehdo andheron se waapas na jayein 
Jaagi huwi chain kuch paa rahi hai

Meri Sakina a.s ko Neend Aa Rahe Hai

2)Shaayad rasan ki aziyat huwi kam
Madham karo bibiyon shore maatam
Sajjad zanjeer bole na is dam 
Shaayad ghamo ki ghari jaa rahi hai

Meri Sakina a.s ko Neend Aa Rahe Hai

3)Ye shaame gharibaan ki jaagi huwi hai
Tamaachon ke dar se nahi so saki hai
Zara phir gale se rasan jo khuli hai 
Sukun se jo ab saans le pa rahi hai

Meri Sakina a.s ko Neend Aa Rahe Hai

4) Zinda ka dar zor se ab na kholo
Ay pehre daaro ab ahista bolo
Tum bhi to jaage ho kuch der solo 
Baba ki khushbu ise aa rahi hai

Meri Sakina a.s ko Neend Aa Rahe Hai

5)Ke ab dharkanein jib phir is pe gira hai
Na bhaayi hai nazdik na is ki maa hai
Kaanon se khun ho ke ab bhi rawaan hai 
Magar aankh bojal ye samja rahi hai

Meri Sakina a.s ko Neend Aa Rahe Hai

6) Mein khush hun ke soyegi meri dulaari
Mein qurbaan is ke mein ab is ke waari
Bohat seh chuki dukh ye ghaazi ki pyaari 
Magar nabz kuch aur batla rahi hai

Meri Sakina a.s ko Neend Aa Rahe Hai

7)Magar ye huwa kya ke zindaan roya
Badan ruh ke saath bachi ka soya
Na jaagi wo aabid ne shaana hilaaya 
Ab maa aaj kehte bhi sharma rahi hai

Meri Sakina a.s ko Neend Aa Rahe Hai

8)Kahan tak likhunga mein Rehan noha
Kabhi shaam jaawun to dekhun wh roza
Jahaan qaidi bachi ka marqad hai tanha 
Jahaan maa abhi bhi kahe jaa rahi hai

Meri Sakina a.s ko Neend Aa Rahe Hai



Lyrics - Meri Sakina Ko Neend Arahe Hai - Syed Raza Abbas Zaidi Lyrics - Meri Sakina Ko Neend Arahe Hai - Syed Raza Abbas Zaidi Reviewed by Nohayonline.lyrics on 8:41 PM Rating: 5

No comments:

All lyrics are Provided By Videos Caption and Noha Video Description. Any Problem Email Me. Powered by Blogger.